Aaargh! Ég sem óskaði þess svo heitt að ég fengi að sleppa við stærðfræði á þessari lokaönn minni. En nei, ég þarf að endurtaka helv. áfangann frá því fyrir jól af því ég gat ekki drullast til að fá 0.3 hærra í lokaprófinmu fyrir jól! Ekki nóg með það, heldur er þetta leiðinlegasti stærðfræði áfangi í himingeyminum. helv. tölfræði.

En það er samt margt gott við þessa önn, t.d er ég búin 10:20 á miðvikudögum og mæti bara í tvo tíma á föstudögum! Þannig að ef það vantar fólk á miðvikudögum, eða einhver vill fá frí, hringið í mig!

Annars er ég nýkomin frá London þar sem ég eyddi aðeins of miklum pening (bara sem dæmi: ca. 23.000 í DVD og geisladiska, og a.m.k 16.000 bara í Mark's & Spencer -_-) og nældi mér í myndarlegt kvef. Það var samt alltaf orðið bjart klukkan 9 og það dimmdi um fimmleytið, svo ég sá allavega meiri dagsbirtu en undanfarnar vikur. En enginn gat gert almennilegt heitt súkkulaði, nema einn staður sem bjó það til úr belgísku súkkulaði! Annars var þetta bara heitt (ógeðsleg) mjólk með smá kakólit! Ömó!

Spice Girls voru geðveikar! Ég mæli með þessum tónleikum, þetta var svo gaman! Reyndar heyrði ég voða takmarkað daginn eftir þar sem píkuskrækirnir voru svoldið miklir, enda 17.000 stelpur þarna samakomnar! Ég á bara voðalega lélegar myndir og vidjó sem ég tók á símann minn, þannig ég veit ekki hvort þið hafið gaman af því.

Úps, þetta varð aðeins lengra en ég bjóst við - en við hverju er að búast, ég var sett fyrir framan tölvuskjá og sagt að fylgjast með!