Ævintýri Kaffhalls og Korgbrúnar... sjöundi hluti

...þeim er veitt eftirför. Enginn annar en Ferrer da Vinci, garðyrkjumaður Zorgons, gægist fyrir aftan hvert horn og fylgist með ferðum Kaffhalls og Korgbrúnar, vopnaður rjómasprautu hlaðinni með tveimur gashylkjum. Innan á frakkanum hans má sjá belti með öllu því nauðsynlegasta til að hindra för þeirra: heill kassi af gashylkjum, tveir bláir gashylkjahattar (til að auðvelda hleðslu), þrír lítrar af 36% rjóma og fimmtán mismunandi gerðir af stútum til að skilja eftir sig ólík listræn merki á hverju fórnarlambi. Uppáhaldsstútur Ferrers da Vinci gerði þríhyrningsmunstur.

Í kaffibrúnum helli fjarri mannabyggðum staðnæmdust Kaffhallur, Korgbrún og Kaffsteinn, KKK, til þess að svala kaffiþorsta sínum og tóku upp meðfæranlegu expressóvélina sína. Þau kveiktu líka á prímus ogsettu cappuccinokönnu ofan á.

"Pant strokka" sagði Kaffsteinn glaður í bragði.
"Æjji, þú gerðir það síðast. Ég má núna" Sagði Kaffhallur og fór í fýlu.

Korgbrún fylgdist ekkert með samtalinu því hún var of upptekin við að stara á eldinn. Annars hefði hún farið í jafn mikla fýlu og Kaffhallur, því sjálfri fannst hún ekkert skemmtilegra en að strokka mjólkina þar til freyddi upp úr.

Þannig leið kvöldið hjá KKK genginu og voru þau grunlaus um að Ferrer da Vinci var í þann mund að...

to be continued